Login to your account

Username *
Password *
Remember Me

AMP Husu Halo Rekontazen Rezultadu Eleisaun Featured

Prezidente AMP, Kay Rala Xanana Gusmão (loos) no portavoz AMP, Taur Matan Ruak halo konferensia imprensa iha sede partidu AMP, bairo grillo - Dili, Tersa (15/05). Foto Valentino Dariel Sousa.  

DILI – Prezidente partidu Aliansa Mudansa ba Progresu (AMP), Kay Rala Xanana Gusmão deklara manan ona eleisaun antisipada, maibé husu atu halo re – kontazen hodi hadia diferensia votu entre partidu FRETILIN ho AMP, tanba mosu fallansu balun.

“Se kontazen dehan ami lakon FRETILIN mak manan silahkan, maibe atu dehan de’it katak, atu kria mentabilidade ida ne’ebe iha buat balun ne’e tenke loos,” hatete Xanana liu hosi konferensia imprensa iha sede partidu AMP, bairo Grillo – Dili, Tersa (15/05).

“Ohin mos ha’u dehan iha fatin balun hare ba dehan númeru rezistu iha livru STAE nian ema nune’e, maibé númeru votu liu fali, no ami hare dehan iha ne’eba ita manan. Bele mai fali ida ne’e, ami lakohi. Ha’u dehan la’e, halo rekontazen didiak,” esplika Xanana.

“Ami la persija votu ida katak mai liu ne’e, tanba se livru STAE ne’e dehan nune’e trezentos e vinte quatro mak mosu fali quatrosentos e vinte quatro, dehan votu 100 ne’e mak mai fali AMP ami la aseita. Halo re – kontazen”.

“Ida ne’e mak ami dehan dalaruma bele ketik kolen ona karik, kafe laiha. Ne’ebe halo re – kontazen. Ami lakohi liu, ami lakohi menus. Ami hakarak loos, tanba buat ne’e povu nia vontade soberanu. Ita labele halimar ho povu nia vontade ne’e”.

Nia garante katak rezultadu re – kontazen ne’e tidak mungkin (imposivel) atu hamenus fali votu AMP nian, tanba AMP iha akta kompletu hosi kada sentru votasaun iha teritóriu nasionál.

“Ami iha garantia absoluta katak ami manan. Iha buat ki’ik balun bele la influensia buat ida, maibé ami lakohi mós. Tanba ami rona katak ema balun dehan iha Oe – Kusi ami halo manipulasaun. Horseik sira dehan tenke aprezenta faktu, entaun agora ita aprezenta faktu”.

Entretantu, antes ne’e mosu ona alegasaun katak partidu AMP halo manipulasaun votu iha Oe – Kusi Ambeno, maibé realidade hatudu laiha. 

Rezultadu provizoriu eleisaun antisipada 12 Maio 2018 hatudu partidu AMP mak manan ho kadeira hamutuk 34, FRETILIN ho kadeira 23, PD hetan kadeira 5, no FDD hetan kadeira 3. (Oki)  

Rate this item
(3 votes)
Last modified on Tuesday, 15 May 2018 18:37
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« April 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Tempo Timor Networks

Online Counter