"Prosesu ne'e sei la'o, prosesu sei la'o, indultu ne'e mós kompetensia Prezidente Repúblika nian atu fó, maibé kompetensia ida ne'e mós tenke tuir lei sira ne'ebé mak Parlamentu Nasionál halo, hodi tuir regras sira ne'e para fó indultu ba reklozu sira ne'ebé mak bele fó indultu, putrantu ne'e prezidente repúblika sei hola iha tempu oin mai", tenik nia, iha salaun São Jose Katedral-Dili , Sesta (10/5).

Nia hatutan, lei iha Parlamentu Nasional ida hateten, sira ne'ebé komete krime organizadu, hanesan lori ema ba faan ka tráfiku umanu, hanesan sira ne'ebé halo korupsaun ativa. Buat sira ne'e hotu la fó indultu ba sira.

Prezidente Republika iha kompetensia para fó indultu ba sidadaun sira ne'ebé iha prizaun, maibé tenke observa mós limite ne'ebé estabelese.

"Ha'u foin simu ida, ida de'it, ne'ebé ha'u hatun ona despaxu ne'e quer dizerne'e kontinua tuir prosesu nafatin la'os atu liberta kedas. Tanba ne'e prizoneiru sira ne'ebé seida'uk kumpre 1/3 da pena ne'e Prezidente Repúblika labele fó indultu, maibé ha'u husu mós agora kedas ha'u hateten kuandu rekluzu ida mak kumpre ona metade da pena nia iha direitu atu hetan liberdade kondisional", salienta Lú Olo.