Tuir informasaun ne’ebé www.tempotimor.com, asesu iha pájina MJ, segunda (08/08) katak, Ministru Justisa, Tiago A. Sarmento, simu no reuniaun ho Prezidente Interinu Câmara do Comécio e Industria de Timor-Leste (CCI-TL), João Alves ho membru sira iha Ministériu Justisa, Kolmera Dili.
Iha reuniaun ne’ebé hala’o, Prezidente Interinu CCI-TL ho ninia membru diskute kona-ba prosesu ba legalidade ba CCI-TL ne’ebé durante ne’e regulariza bazeia deit ba rezolusaun Governu nian.
Hafoin rona prekupasaun husi Prezidente Interinu CCI-TL, Ministru Justisa, Tiago Amaral Sarmento konsidera katak CCI-TL ninia Estatutu regula de’it ho rezulasaun Governu nian, maibé iha peizu vinkulativu hodi bele regula CCI-TL, tanba publika ona iha Jornal da Republika Timor-Leste.
Nune’e Ministru Justisa husu mós ba CCI-TL ho ninia konsultan atu oinsá bele prepara sira-nia draft ba estatutu CCI-TL nian, no koordena ho Diresaun Nasionál Assesoria Jurídiku no Lejizlasaun (DNAJL) Ministériu Justisa nian hodi bele fó hanoin ruma em relasaun ho Estatutu refere.
Iha mós dalan ne’ebé CCI-TL bele prepara draft ruma, hafoin submete ba Ministériu Justisa atu Diresaun Nasionál Assesoria Jurídika no Lejizlasaun (DNAJL) bele hare no halo diskusaun hodi bele finaliza. (*)