“Ejize ba Governu hodi bele fó protesaun igual hanesan mós traballadór no estabelese Uniaun Traballador Domestiku atu hametin unidade ba prosesu luta defende direitu traballadór doméstiku nian iha Timor-Leste”, dehan Maria Borges Martins iha konferénsia imprensa iha Óte; Luiz Clarita, tersa (14/06).
Tanba servisu doméstika hanesan oportunidade servisu ba sira no maluk feto ne'ebé ho mínimu koñesimentu no esperénsia, maioria mai husi munisipiu tanba hakarak suporta ekonomia familia nian.
“Ami mai Dili no hetan servisu hanesan traballadór doméstiku, hetan saláriu ki'ik liuhusi saláriu mínimu, servisu liu oras no dupla, laiha protesaun ba ami-nia direitu nu'udar traballadór nomós la asesu ba protesaun sosiál, kondisaun servisu ami-nian vuneravel no risku teb-tebes”, haktuir nia.
Traballadór doméstika sei buka dalan oioin hodi bele hetan atensaun no tratamentu dignu ba sira-nian servisu.
“Tanba ne'e, ohin dia 14 fulan-juñu tinan 2022, ami nudar traballadór doméstiku halibur hamutuk hakarak deklara katak, traballadór doméstiku eziste duni iha Timor-Leste”, deklara nia (*)