Login to your account

Username *
Password *
Remember Me

Minutas sorumutu konstrusaun edifísiu KFP Featured

Minutas ba enkontru ka sorumutu hodi harii edifísiu Komisaun Funsaun Públika (KFP) Timor-Leste nian, hahu iha loron 19 fulan Fevereiru tinan 2013 iha salaun enkontru KFP, ne’ebé partisipa iha sorumutu ne’e mai husi, KFP, AND, Obras Públika no konsultan Pires.

Iha sorumutu ne’e, prezidenti Funsaun Komisaun Públika esplika ka hateten kona-bá lala’ok problema ne’ebé akontese iha projetu konstrusaun edifísiu foun KFP, hodi afeta projetu ne’e atraza.

Nune’e mos, Domingos Sequeira husi Obras Públikas esplika katak, projetu ne’e atraza la’os tanba kontaktór maka sala de’it, maibé mos tanba konsultan supervizaun nia servisu ne’ebé ladun di’ak, tanba ne’e mak projetu ne’e tarde.

Alende ne’e, tuir Salvador Pires, nudár Konsultan Pires informa katak, kona-bá problema iha projetu la’os fó sala de’it konsultan, maibé parte kontraktór TLIC nia sala mos.

Iha loron 6 fulan Agostu tinan 2013, Fundu das Infa-Estruturas haruka fila-fali karta ida ba KFP ho asuntu kona-bá Esbosu Akta Reuniaun CAFI, 31 Julho 2013. Hodi klarifika kona-bá konstrusaun edifísiu foun Komisaun Funsaun Públika, (KFP) nian.

Husi ida ne’e, iha loron 6 fulan Agostu tinan 2013, AND klarifika asuntu ne’e, no AND esplika katak, seidauk simu programa rekoperasaun husi kompanhia Konstrutora, tanba ne’e labele fó rekomendasaun. Kona-bá extensaun no pagamentu ne’ebé konsultór supervizaun temi iha leten, ADN informa katak, kontratu inisiál ba konsultór supervizaun ho montante dolar Amerikanu rihun atus tolu ($ 300,000) ho adisionál Dolar Amerikanu rihun atus rua ualu-nulu resin lima ($ 285,000), ne’ebé halo valór totál kontratu kontratu ne’e sa’e ba Dolar Amerikanu rihun atus lima ualu-nulu resin lima ($ 585,000). Kustu ida ne’e iha diferensa bo’ot kompara ho kustu ba konsultór supervizaun seluk ne’ebé hala’o servisu ho volume besik hanesan. ADN husu atu fó tratamentu hanesan ba konsultór supervizaun, tanba ne’e rekomenda atu emenda kontratu ba “Lump Sum Fix Price” ho montante Dolar Amerikanu rihun atus-ida haat-nulu resin rua, atus lima ($ 142,500) to’o obra ne’e remata. ADN mos hatutan katak, jestaun konstruktór mos ladi’ak tanba la aloka trabalhadór sira tuir servisu ne’ebé iha.

Iha loron 27 fulan Novenbru tinan 2013, SGP ka CAFI haruka fila-fali karta ida ba KFP ho asuntu kona-bá Envia Esbosu Akta Reuniaun CAFI, 13 no 14 tinan 2013. Hodi ko’alia kona-bá konstrusaun edifísiu foun Komisaun Funsaun Públika, (KFP).

KFP nudár na’in ba projetu refere, selebra kontratu ho kompanhia TLIC Lda nudár konstruktór ho valor kontratu original Dolar Amerikanu millaun ($ 3,047,270,96) ho periodu konstrusaun husi fulan Outubro tinan 2010 to’o fulan Outubro tinan 2011. Kontratu ba konstruktór ne’e, tuir desizaun CAFI emenda dala tolu: Dahuluk nian emenda to’o fulan Outubro tinan 2012, daruak nian emenda to’o fulan Jullu tinan 2013 no CAFI iha loron 31 fulan Jullu tinan 2013, fó extensaun dala ida tan, to’o fulan Fevereiru tinan 2014. CAFI mos aprova osan adisionál ho valor Dolar Amerikanu ($268,433.24). Projetu refere supervizia husi kompanhia Pires Consultan Lda ho valor kontratu Dolar Amerikanu ($ 585,000) ou pursentu sanulu-resin hitu pontu haat-nulu resin ualu (17.48%) husi total projetu nia valor. Wainhira projetu hahú, kompanhia konstruktór hetan pagamentu adiamentu ho montante Dolar Amerikanu ($ 152,363.55) ou pursentu lima (5%) husi valor kontratu orijinal.

Progresu fíziku iha fulan Jullu to’o ona pursentu lima nulu resin lima (55%), progresu fíziku até agora ka to’o oras ne’e atinji ona ba pursentu hitu nulu resin ualu pontu haat nulu resin hitu (78.47%). Total pagamentu ne’ebé halo ona Dolar Amerikanu ($ 1,855,698.56) ka pursentu neen nulu resin ida (61%) husi kontratu orijinál. Valor pagamentu ne’ebé halo kiik liu, valor husi progresu fíziku ne’ebé atinji ona, tanba kada pedidu pagamentu iha rekoperasaun ba advance payment ne’ebé selu ona (tuir kontratu) nomos tenki ko’a ba retensaun pursentu sanulu (10%) husi total kontratu (hanesan temi iha kontratu).

Ho ida ne’e, durante iha prosesu konstrusaun ba edifísiu foun Komisaun Funsaun Públika nian ne’e iha problema tolu mak hanesan: parte dahuluk nian, progresu fíziku la’o tarde, tanba menus trabalhadór, parte daruak nian, kontraktór TLIC Lda husu kustu adisionál kona-bá RHS acrylic tanba faillansu iha kalkulasaun BoQ husi konsultan Pires ho Dolar Amerikanu ($ 176,540.00) no parte datoluk nian mak Consultan Pires lakohi asina kontratu to’o agora ka to’o ohin loron.

Hafoin iha loron 10 fulan Outubru tinan 2018, tuir deliberasaun númeru 68/2018/CFP, ne’ebé ko’alia kona-bá kontratasaun ho justu diretu espresa hodi substitui ba impermeabilizasaun kakuluk edifísiu Komisaun Funsaun Públika nian.

Tanba ne’e KFP konsidera katak falla husi ezekusaun no supervizaun impermeabilizasaun mak hanesan sira ne’ebé husi responsabilidade ba empreza konstrutora ne’ebé abandona kontratu konstrusaun nian no empreza ne’ebé kontratada ba supervizaun.

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter