“Lei investiemtu privadu foun nú. 15/2017 artigu 90 ezize lista negativa atu komprimenta", dehan Diretór Ezekutivu Trade Invest, Arcanjo da Silva, iha sede CCI-TL, Kuarta (27/2).
Objetivu prinsipal husi lista ne'e atu fó mensajen klaru ba investidor nasional no internasionais katak setor ka sub-setor ne’ebé Timor-Leste hakarak loke ba ema hotu entre investidor nasionál no internasionál. Maibé mós setór balun ne’ebé presiza rezerva ba domíniu Estadu no setor ne’ebé ema bele asesu maibé restritu.
Diretór ne’e akresenta, lista negativa ne’e kuandu setor sira ne’ebé naran tau iha lista negativa ne’e hanesan proibe ba setór privadu nasional ka estranjeiru atu investe iha domíniu Estadu. Halo restritu signifika ema bele investe maibé ho kritériu rigorozu hodi asegura interese nasional.
Iha fatin hanesan, Prezidente CCI-TL, Oscar Lima dehan, implementasaun lista negativa ne’e di’ak, tanba bainhira halo aprovasaun komesa tais ona, nune’e sei di’ak iha ninia implementasaun.