Inflasaun sa’e 0.3% Iha Janeiro 2019 Featured

Diresaun Jerál Estatístika (DJE) lansa relatóriu indise presu konsumidor fulan-Janeiru, ne’ebé hatudu inflasaun iha fulan kotuk sa’e 0.3%.

"Fulan primeiru husi tinan ne’e nian, depois haree dadus ne’e ita iha inflasaun 0.3%, kompara ho dezembru 2018 inflasaun hetan deit 0.1%", tenik Diretór Jerál Estatístika, Elias dos Santos Ferreira, iha knaar fatin, Kaikoli, Tersa (19/2).

Inflasaun sae iha material eskolar nian ho pursentajen 9.9% husi total material hotu-hotu. Maski nune'e, hahan, bebida hanesan alkohol, tabaku no, foos laiha mudansa ba presu.

Nia dehan, material edukasaun sae tanba iha Timor-Leste anu eskolar ne’e hahú iha fulan-Janeiru.

Ne'e duni, hahú tama eskola inan-aman sosa kadernu ba oan sira, nune'e eskola privadu balun selu kedas fulan tolu ka haat nian dala ida.

Jeralmente ba hahan laiha, so mudansa uitoan maka modo tahan ninia inflasaun sa’e ba 1.2% tanba agora tempu udan.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Video

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com
© 2019 Tempo Timor. All Rights Reserved. Designed by Kalohan.NET