Tuir informasaun ne'ebé www.tempotimor.com asesu iha pájina MTKI domingu (28/08) katak, kompetisaun ne’e oferese ba foinsa’e kreativu no inovativu ne’ebé mai ho ideia negósiu iha setór prinsipál sira mak hanesan; Agrikultura, Peskas, Turizmu, Komérsiu, Indústria, Teknolojia no Inovasaun Ai-hán, ho objetivu atu kontinua fó apoiu kapasitasaun no ekipamentus ba foinSa'e sira ne’ebé mai ho idea ne’ebé úniku, diferente no inovativu relasiona ho negósiu sosiál ho nia intensaun atu motiva foinsa’e sira investe iha setór produtivu hanesan Agrikultura, Peskas, Komérsiu, Industria no Turizmu ne’ebé orienta ba impaktu sosiál no fó valór aas ba ekonomia rai laran e kontribui rezolve problema komunidade nian.
Tanba ne'e Governu hamutuk ho Parseiru Dezenvolvimentu sira hakarak konvida foinsa’e kreativu sira ne’ebé ho solusaun negósiu inovativu atu aplika ba Kompetisaun Negósiu Inovativu ho tema “Promove Diversifikasaun Ekonómia Husi Baze”.
Kategória ba sidadaun sira ne'ebé tuir kompetisaun mak hanesan foinsa’e feto, mane ho Nasionalidade Timoroan, ho Idade hahú husi tinan 18-35.
Nune'e mós ba foinsa’e sira ne’ebé mai ho idea Negósiu Inovativu iha setór produtivu hanesan Agrikultura, Peskas, Indústria, Komérsiu, Turizmu, Teknologia no Inovasaun-Aihán.
Ba atividade negósiu lokaliza iha munisípiu Lautein, Baukau, Vikeké, no Manatutu, Foinsa’e sira ne’ebé hahú ona atividade negósiu sosiál (start-up no ezistente). (*)