“Irrigasaun Estragu ne'ebé mak iha loron 4 fulan-abríl tinan 2021 loos duni ida boot liu mak iha Manatutu, temporariamente iha Ministériu ekipamentu ne'ebé mak limitadu, kuandu ema atu ba halai natar ami ba hasa'e para ema hodi halai natar e ami hein katak, normalizasaun ba mota ne'e halai tuir nia dalan ona klaru ke ami halo ona estandarizassun atu permanente ba ema nia natar”, dehan nia ba jornalista sira iha palásiu Governu, kuarta (24/08).
Tanba fasilidade iha Ministériu Agrikultura no Peskas iha eskavatór haat de'it mak dadaun ne'e hala'o servisu iha Territóriu Timor laran tomak.
“Tanba ami iha eskavatór haat de'it ne'e mak sirkula iha Timor laran tomak ida-ne'e mak difikuldade ami-nian, maibé la siknifika katak ami-nia programa para maibé la'o nafatin”, dehan nia.
Dadaun ne'e Eskavatór ida Maliana, ida iha Munisípiu Lautein Postu Administrativu Lospalos no Iliomar, ida iha munisípiu Vikeká, Postu Administrativu Uatukarbau, no ida seluk ne'ebé mak oras ne'e avaria hela.
Maske balun kondisaun aat maibé kontinua esforsu hodi atende komunidade sira-nia nesesidade iha terenu. (*)