“Ita iha lei, ita iha buat hotu, maibé implementasaun la diak ne’e problema saída? Se ita lei iha tiha ona. Serake ema ne’ebé toma konta ba lei ne’e mak la diak ka oinsa”, tenik Sekrétariu Estadu Juventude no Desposru (SEJD), Nélio Issac Sarmento, iha Palásiu Prezidensiál Bairru-Pité, Segunda (22/4).

Ho kestaun ne’e, Prezidente Repúblika iha hanoin rua, ne’ebé importante mak presiza rezolve polítiku no ida seluk mak oinsa haree ba lei ne’ebé atu regula arte marsial ne’e.

“Prezidente preokupa kona-ba problema ne’ebé akontese liu-liu kona-ba krime sira iha ita-nia rain. Entaun prezidente husu, se ita lei forte ona, mas tanba saída emblema arte marsiais nian ne’ebé polísia kuaze atuasaun barak, mas depois hetan libertasaun ema kriminozu sira ne’e”, Nelio haktuir.

Presidente salienta lei iha ona hodi regula, maibé arte marsial la’o nafatin, nune’e husu tenke rezolve ka solusiona problema ne’e. Presiza haree oinsa mak atu regula arte marsial ho lei ne’ebé rigor.

Prezidente mós dehan katak, ema hotu tenke kumpre lei atu bele sai sidadaun ne’ebé diak iha Timor Leste.