Print this page

Partisipasaun Eleitor Minimu, CNE sei Hatun Ekipa Peskiza Featured

Tempotimor (Dili); Komisaun Nasional Eleisoens (CNE) finaliza ona formasaun ba enumerador sira hamutuk 303 kommpostu husi munisipiu 12 inklui RAEOA.

"Munisipiu Dili nian hamutuk 72 enumerador. Sira ne'ebé hola parte ba munisipiu Dili ne'e sei halo entrevista iha Dili ne'e ema hamutuk 2.040 husi munisipiu Dili tomak", tenik prezidente Komisaun Nasional Eleisoens, iha salaun Larigutu CNE, Segunda (13/5).

Enumerador sira ne'e sei hamutuk ho munisipiu sira seluk inklui RAEOA sei aprezenta rezultadu iha fulan ne'e. Nune'e ekipa enumerador hamutuk ho CNE sei elabora depois halo semináriu para aprezenta rezultadu ne'e ho formal.

Prezidente mós afirma, liuhusi enumerador nia-servisu ne'e atu buka tuir fali eleitor sira kona-ba partisipasaun iha eleisaun sira ne'ebé liu ona ne'e. Tanba iha tinan hirak liubá eleitor barak la partisipa iha eleisaun ne'e no barak mak vota sala, inklui balun mós la ezerse nian funsaun. Tanba ne'e, CNE halo fali peskiza ida ne'e para atu hatene.

Hanoin no rekomendasaun sira ne'ebé peskizadór sira hetan sei dirije CNE para bele hadiak liutan prosesu sira ne'e hodi fó resposta ba eleitor, inklui eleva koñesimentu eleitores sira nian, para ba futuru eleitor sira atu partisipa ho ativa.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items