Tempo Timor - Kanal Notisia, Husi imi ba imi

Switch to desktop Register Login

TL husu Misa agradesimentu ba Eroi Independencia Featured

  • Written by 
Rate this item
(0 votes)

Prezidente Repúblika, Francisco Guterres Lú Olo, partisipa iha misa agradesimentu ba komemorasaun loron Proklamasaun Indepedensia Timor-Leste ba dala 43.

Liu husi ninia omilia, Pe. Joaquim Sarmento hateten, Santa Misa ne'e nu'udar agradesimentu ba Aman Maromak ba liberdade nasaun nian ne'e.

"Ita harii ita nia Estadu ho bua oioin hanesan rai, lei, konstituisaun, inu nasional, no seluk tan, maibé buat sira ne'e hotu presiza konsiénsia sosiál", tenik nia, bainhira prezide misa, iha Igreja Santu Antonio-Motael, Tersa (27/11).

Igreja Katólika iha parseiru di'ak ho governu atu haree ba buat sira ne'ebé importante iha nasaun ida ne'e mak verdade, justisa, amor, sira ne'e mak sei atinje konsiénsia sosiál.

Iha fatin hanesan, Prezidente Republika, Francisco Guterres Lú-Olo dehan, hamutuk iha Uma Kreda ne'e atu hasa'e orsaun ba Aman Maromak no hanoin fila-fali eroi sira neebe mate ba rai ne'e.

"Ita neebe sei moris nee, moris atu serve ba ita ema neebe hanesan nee hodi harii domin, paz, estabilidade, no justisa" tenik Xefe Estadu.

Misa agradesimentu ne'e realiza iha Igreja Motael, tanba Igreja ne'e mós sai fatin istóriku ba saudozu sira ne'ebé dedika mós sira-nia aan ba luta libertasaun nasional.

Partisipa iha misa agradesimentu ne'e mak PR Lú Olo ho nia Espoza, Xefe Estadu Maior F-FDTL, Major Jeneral Lere Anan Timur, Brigadeiro jeneral Falur Rate Laek, Prezidente Parlamentu Nasional Arão Noé de Jesus, inklui membru governu sira.

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

Website: www.tempotimor.com Email This email address is being protected from spambots. You need JavaScript enabled to view it.

@2018 - Tempo Timor. Developed by Kalohan.net

Top Desktop version