Login to your account

Username *
Password *
Remember Me

Reabilitasaun Estadiu Munisipal Dili Kompañia Inventa Obra Featured

Tempotimor (Dili), Prosesu reabilitasaun Estadiu Munisipal Dili ne’ebé lao to'o tinan tolu ona maibé la konsege remata, tanba mosu obra adisional ne'ebe inventa husi kompañia rasik.

Sekretariu Estadu Joventude no Desportu (SEJD), Nelio Isaac Sarmento rekoñese reabilitasaun ne'e lao la tuir tempu ne'ebe determina ona tanba mosu projetu 'inventadu'.

“Situasaun sira ne’e ha’u mai iha nanis tiha ona, no ami hanesan donu ba projetu ne’e, maibé atu hatene klean kona-ba projetu ne’e nia la’o ne’e iha Komisaun Nasionál Aprovizionamentu (CNA), entaun ho koordenasaun téknika nian ami la’o no bolu mós kompañia sira rezolve problema ne’ebé iha kompañia ka parte ami nian”, dehan nia, iha iha Palásiu Governu, Segunda (29/4).

Nia esplika, problema parte husi Governu nian mak halo pagamentu tarde ba kompañia tanba servisu kompañia nian la tuir kontratu.

Agora kontratu orijinal ne’ebé iha kona-ba reabilitasaun Estadiu Munisipál Dili nian kona-ba lampu no tribun parte oeste nian, maibé kompañia halo obra adisional ida kona-ba tribun parte leste nian ne’ebé maka la tama iha kontratu ne’e, ikus mai obriga Sekrétariu Estadu Joventude Desportu atu selu obra adisional ne’e.

“Infelizmente iha fulan hirak liubá KAFI fó ona autorizasaun atu selu ba obra adisonal ne’e, maibé ADN sei halo fiskalizasaun para bele selu ka lae. Maibé ha’u hatene katak ADN no Obras Públika halo ona fiskalizasaun, falta mak halo pagamentu ba kompañia, maibé problema mak kompañia ne’e simu pagamentu ne’e sei kontinua ka lae”, tenik Nelio.

Nia dehan, bainhira pagamentu remata maka kompañia la kontinua sei iha invesigasaun ba kompañia no sei halo prosesu foun ba kompañia seluk hodi responde ba reabilitasaun estadiu nasional ne’e, tanba kontrusaun ba reabilitasaun foin atinji 75%.

Iha semana kotuk wainhira Tempo Timor koko konfirma ho kompania ne’ebe responsabiliza ba prosesu rehabilitasaun estadium Dili maibe infelizmente diretor kompania Marino Enterprice dehan preokupadu hela. Projetu Rehabilutasaun estadium Municipal Dili hahu iha fins 2016 maibe sei hakdasak hela maske Sekretariu Estadu Juventude Desportu nain tolu mak troka malu ona.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter