“ Ha'u hakarak tama desportu ha'u nia mehi rasik, tanba ha'u uluk sei ki'ik ha'u hakarak sai duni ema atletiku ida, iha tinan 2005 ha'u ba toba iha ha'u-nia maun bo'ot ida nia-uma maibé ami toba iha lona de'it nahe iha sementi nia leten hodi ba treinu iha Lapangan Pramuka nian ne’e” hateten Adolfo ba jornalista sira iha nia uma Tibar, Sabadu 19/09/15, hodi hatan ba jornalista sira nia perguntas.
“Uluk iha tinan 2006 ha'u sei halai (pelari) 800 metrus, depois iha tinan 2007 hanesan atletiku ida ne'ebé halai fali 5.000 metrus, husi Tinan 2007 to’o 2011 hau hili Fali voleibol ne'ebé konsege hetan terseiru lugar ,ho rejultadu ne’e, lori ami to’o ba Australia hodi partisipa Arafura Games no Solo Indonézia ” Hateten oan mane mesak husi bin alin na'in rua ne’e hodi hatudu sertifikadu Arafura Games nian ba jornalista sira.
“Iha Arafura Games Australia, ami hetan juara tiga (okupa fatin datoluk) ita hakarak manan ne’e, ita han di'ak mak bele ka...se Estadu tau matan sosa hahan mai ita, ita han mak ita bele iha forsa hodi hasoru nasaun bo’ot, se ita han iha uma ema ida la kontrola ita, dalaruma ita han ai-dila tahan no batar sona, hanesan deit!! ” Dehan nia hodi hatudu nia hamnasa midár.
"dalaruma ami ba tuir kompetisaun durante semana rua tolu, osan bo'ot liu mak simu Dolar Amerikanu 300 de'it, ne’e mak hahan ami sosa rasik, dalaruma ha'u fila, sosa ha'u nia oan nia roupa , osan hau lori fila mai Timor mak Dolar Amerikanu 50 de'it" katak nia ho oin triste.
“Bai loron ha'u hili lixu, ha'u nia ulun moras to’o laran i dalaruma mos ha'u nia oin nakukun to’o ha'u monu iha fo'er (lixu) laran mak ha'u nia kolega sira ajuda ha'u, ha'u nia ain aleja ne’e mos dala ruma ha'u hi’it karon boot nia moras to’o mai ha'u nia hirus matan” Dehan mane ho tinan (38) ho mata ween nakonu.
“Ha'u sai husi uma hemu kafe oan ne’e, han buat ida, se toko sira ne’e mak lori netik sasan liu prazu ruma ha'u hili hodi han, se la iha, tahan to’o lokraik tuku neen (18:00) mak mai uma ” Tenik nia.
Dolfu haklaken, oan na'in rua mak agora tuir hela prosesu aprendizajen iha ensinu primária iha Tibar.
“Ha'u nia oan na'in lima ne’e mane hotu, na'in tolu mak dadaun ne’e eskola hela iha SD (Ensinu Primária), ida (Abrão Ribeiro) klase 5, Fredy Ribeiro tinan 10 klase 4 no Zeovanio Ribeiro tinan 7 klase 1, na'in rua seluk sei kiikoan hela, Paulo Zaldo Ribeiro tinan 3 no Manuel Ribeiro foin fulan rua” Nia Realsa.
“Ha'u nia katuas-oan ne’e dadersan sedu de'it nia sai ona bá foer fatin hodi hein kareta saneamentu hosi Díli lori fo'er ba fakar nune’e nia bele hili netik sasan ne’ebé mak bele uza nomós lata mamuk hodi bele tetu hodi hetan netik osan ba ami-nia nesesidade,” Haktur Joana.
“Se nia la bá hili fo'er, se mak atu bele fó han ami-nia oan sira ne’e no sosa kadernu lapizeira ba ami-nia oan sira,” dehan Joana ho triste.
“Ha'u sempre haree ha'u-nia maun Adolfo sempre ba fo'er fatin, maski nia kondisaun ho difisiente la halo nia kolen atu bá hili kalen aat bele tetu no fa'an hodi sustenta sira-nia uma laran, ha'u sente triste” Fortunato fo sasin ho laran triste.
“Realmente, la'os konfortável ba ita, wainhira rona notísia katak, atleta sira kbi'it la'ek, tanba ita iha prinsípiu ida atu valoriza desportu ida parte hotu-hotu hanesan defisientes balun ne'ebé partisipa iha área desportu, tanba ne’e ami sei koopera hamutuk hodi buka tuir ema ne’e oinsá atu rezolve nia problema” Nia promesa ba Adolfo nia halerik.
Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.
Jornalista Jornal Tempo Timor, bandu atu hetan envelope ka sasan ruma husi fontes informasaun sira.
www.tempotimor.comError: No articles to display
.